Santo Yusup: Pahargyan Bojana Kurban Ndhungkap Wulan Maria

Pahargyan Bojana Kurban
Ndhungkap Wulan Maria

Panduan Perayaan Ekaristi Pembukaan Bulan Maria
1 Mei 2016

RITUS PAMBUKA

ARAK-ARAKAN MLEBET / Perarakan Masuk

KIDUNG PAMBUKA (KA 161 Mangga Mangga Sesarengan)

TANDHA SALIB DAN SALAM PAMBAGYA

CECALA / Pengantar

KEDUWUNG / Tobat

GUSTI NYUWUN KAWELASAN / Tuhan Kasihanilah (KA 173)

I Gusti Yesus Kristus,

Gusti dipun utus paring sarasing sukma,

dhateng ingkang sami keduwung terus ing manah.

I Gusti rawuh nimbali para tiyang dosa

I Gusti pinarak ing satengen Dalem Hyang Rama, tuwin jumeneng lantaran kawula

I Muga Allah kang Mahakuwasa

karsaa paring palimirma lan pangapuraning dosa sarta nuntun marang urip langgeng

U Amin

MINULYA / Kemuliaan (KA 183)

SEMBAHYANGAN PAMBUKA / Doa Pembuka

I Ayo padha munjuk:

Gusti sampun dhangan ing panggalih nyawisaken pedaleman ingkang pantes kagem Hyang Roh Suci wonten ing Tyasipun Ibu Kenya Maria. Mugi karana lelabetan tuwin sembahyanganipun kawula keparenga katampi wonten ing padaleman Dalem ingkang mulya. Lantaran Sri Yesus Kristus, Gusti Kawula, ingkang kaliyan Sampeyan Dalem tuwin Hyang Roh Suci, sugeng tuwin mengku keprabon, jumeneng Allah, ing salami-laminipun.

U Amin.

LITURGI SABDA

WAOSAN I (Sirakh 3:30, 4:1-10)

L. Pethikan saking Kitab Putra Sirakh :

Geni murub mubal kena disirep ing banyu, tumindak becik gawe pulihing dosa. Ngger, aja nulak wong pekir miskin njaluk rejeki, lan wong sangsara aja ndadak kok kon ngenteni. Wong wis luwe aja isih kok siya-siya, wong ora duwe aja kok gawe pait uripe. Yen atine pait aja kok getak-getak, aja wong butuh njaluk dana, isih ndadak kelara-lara. Aja kok gusah wong nyuwung paring-paring, abot dicoba, aja kowe

mlengos, yen wong miskin ngingetake. Aja kowe rewa-rewa ora weruh, yen ana wong kesrakat, aja ana wong oleh alasan dienggo nyupatani kowe. Yen wong sangsara nibati supata marang kowe, sing gawe urip bakal ngabulake panuwune. Kowe goleka asihing umat, lan nungkula karo panggedhe. Tilingna kupingmu ngrungokake si miskin, lan yen aruh-aruh, wangsulana sing becik. Wong ditindhes uwalna saka sing nindhes, lan aja wedi nibakake rehing adil. Dadia bapa tumraping si bocah lola, lan kaya guru laki tumraping biyunge. Makaten Sabda Dalem Gusti

U Sembah nuwun konjuk ing Gusti

MAZMUR TANGGAPAN

Refr: Mugi para bangsa sami ngluhurna Gusti

Mugi sadaya bangsa sami mulyakna Gusti

1. Mugi Gusti paringa kawelasan tuwin berkah, mugi mriksanana kawula kanthi pasuryan sumringah, amrih wonten ing bumi margi Dalem dipun mangertosana, lan karahayon Dalem dipun akenana.

2. Mugi para suku bangsa sami suraka suka gambira, jer Gusti sampun mangreh kanthi wicaksana, lan paring tuntunan wonten ing donya.

WAOSAN II (Roma 12:9-21)

L Pethikan saking Seratipun Rasul Paulus dhateng umat ing Roma :

Katresnanmu iku kudu sepi ing samudana. Sing ala edohna, sing becik raketana. Tresnaning sedulur nukulna ati asih, sing siji njunjung ngajeni sijine, taberi ora wedi ing gawe, mawa semangat murub tumanggap ngladeni Gusti, bungah marga ndarbeni pengarep-arep, tahan teguh ing rubeda, wanter ing jroning sembahyang. Kowe padha melua nyangga bot repoting para suci, ngudi ngrahapi yen sedulur teka mertamu. Wong sing nguya-uya kowe berkahana lan aja kok sepatani. Karo sedulur bungah melua bungah, karo sedulur susah melua susah. Ngenggonana rasa padhapadha karo kabeh bae, ora ndadak nganggo angkuh, srawung lumrah karo sedulur cilik, aja kowe ngendelake pintermu dhewe. Aja ana wong ala kok wales ala, nanging ngudia kang amrih becik karo kabeh manungsa. Yen gumantung saka kowe, karo kabeh bae uripa sing rukun. Aja kowe tumindhak males dhewe, kadang kinasih, nanging pasrahna adiling Allah, awit wus tinulis: Kaadilan iku ana ing Aku, Aku sing bakal malesake, mengkono pangandikaning Pangeran. Nanging malah yen mungsihmu luwe wenehana mangan, yen ngelak wenehana ngombe, srana mengkono, sirah kok tumpuki mawa mengangah. Dadi kowe aja nganthi kalah karo piala, nanging piala kalahna nganggo kabecikan. Makaten Sabda Dalem Gusti

U Sembah nuwun konjuk ing Gusti

KIDUNG ALLELUYA

Reff : Alleluya, Alleluya, Alleluya, Alleluya, Alleluya, Alleluya.

Sabda Dalem Gusti,”Sing sapa tresna marang Aku mesthi netepi dhawuh-Ku, lan bakal ditresnani dening Rama-Ku, sarta bakal Kita rawuhi lan Kita dalemi”.

INJIL SUCI (Yoh 2:1-12)

I Pethikan Injil Suci anggitane Santo Yoanes

U Linuhurna Gusti

Ing dina kateluné ana pésta mantu ing Kana, wilayah Galiléa, sarta ibuné Yésus ana ing kono. Yésus dalah para sakabaté uga diulemi mrono. Bareng padha kekurangan anggur, ibuné Yésus nuli ngandika marang Panjenengané, "Padha kentèkan anggur."

Pangandikané Yésus, "Ibu, panjenengan ngersakaken punapa dhateng Kula? Dèrèng dumugi wekdal Kula." Nanging ibuné Yésus banjur dhawuh marang para peladèn, "Apa sadhawuhé marang kowé padha lakonana." Ing kono ana genthong watu wadhah banyu enem, sadhiyan kanggo sesuci manut adaté wong Yahudi, isiné saben genthong mau rong klenthing utawa telung klenthing. Yésus nuli dhawuh marang para peladèn mau, "Genthongé pada kebakana banyu!" Tumuli diisèni nganti kebak.

Yésus banjur ngandika, "Saiki cidhuken, lan aturna marang pitayaning gawé!" Banjur padha ngaturaké. Pitayaning gawé iku bareng ngicipi banyu kang wus dadi anggur mau -- lan ora mangerti saka ngendi pinangkané, awit kang mangerti mung para peladèn kang padha nyidhuki banyuné -- nuli ngaturi pangantèn lanang, sarta matur, "Saben tiyang nyegah anggur punika ingkang saé rumiyin, lan sasampunipun para tamu ngunjukipun kathah lajeng nyegahaken ingkang kirang saé. Nanging panjenengan kok nyimpen anggur ingkang saé ngantos sapunika."

Prakara iku mau katindakaké Yésus ing Kana wilayah Galiléa, dadi wiwitaning mukjijat-mukjijat lan sarana mangkono Panjenengané wus mbabaraké kaluhurané. Para sakabaté nuli padha pracaya marang Panjenengané. Sawusé mangkono Yésus banjur tindak menyang Kapèrnaum, bebarengan karo kang ibu lan para sadhèrèké tuwin para sakabaté, lan ana ing kono mung padha kèndel sawatara dina baé.

I Rahayu wong kang uripe salaras karo Sabda Dalem, lan ngugemi dhawuh-dhawuh Dalem.

U Sabda Dalem iku dalan, kasuyatan lan urip

HOMILI

SYAHADAT / Aku Percaya

Kawula pitados ing Allah,

Rama Sang Mahakuwasa,

ingkang nitahaken bumi langit.

Saha ing Gusti Yesus Kristus,

Putra Dalem ontang-anting, Pangeran kawula.

Ingkang kagarba dening kuwasaning Hyang Roh Suci,

miyos saking Ibu Kenya Maria,

Ingkang nandhang sangsara nalika jamanipun Ponsius Pilatus,

saha kapenthang, seda sarta kasarekaken.

Tedhak dhateng papan pangentosan,

tigang dintenipun wungu saking seda.

Mekrad dhateng swarga, pinarak ing satengen Dalem Allah,

Rama Sang Mahakuwasa.

Saking ngriku badhe rawuh

ngadili para tiyang gesang utawi pejah.

Kawula pitados ing Hyang Roh Suci.

Pasamuwan Katulik ingkang suci,

Lan panunggiling para Suci.

Pangapuntening dosa.

Tangining badan.

Saha gesang langgeng. Amin.

SEMBAHYANGAN UMAT / Doa Umat

I Gusti Allah ingkang mahasae lan mahamirah, kanti tuladha ibu Maria ingkang tansah setya, angampingi sugeng Dalem Gusti Yesus Kristus, wiwit saking guwa garba ngantos dumugi sedo. Mugi Allah Rama ingkang mahasae, karsaa migatosaken aturipun umat Dalem punika ingkang kanthi andap asoring manah munjuk ingarsa Dalem.

L Gusti Allah, Rama mahaasih, mugi tansah ngrentahaken Roh Dalem dhumateng Bapa Suci, para Uskup, para imam tuwin rohaniwan, supados tansah tatag anggenipun nggulawenthah umat Dalem. Kawula nyuwun …